FEFRIGA - Federación de Frisona Galega
  PRESENTACIÓN
  BRANCO E NEGRO
  ACTIVIDADES E RESULTADOS
  LIBRO XENEALÓXICO
  NOTICIAS E AVISOS
  ACCESOS RÁPIDOS
  MEMORIAS FEFRIGA


Memoria Fefriga 2019


Política de privacidade

Clausulado
Rúa Melide 25-27 Bajo
15705 Santiago de C.
A Coruña - España
Tfno./Fax: + 34 981 573 879
+ 34 981 573 775



Galego Español

Branco e negro: O periódico dos criadores de frisón de Galicia

Nº 6 - SETEMBRO 2000

ELECCIÓNS DE CARGOS DIRECTIVOS
XV ESCOLA DE XUÍCES GANDEIROS "FEFRIGA 2000"
MOEXMU 2000
¡GALICIA CALIDADE!
¡TAMÉN OS SUECOS FALAN DE BOS!

ELECCIÓNS DE CARGOS DIRECTIVOS
Dando cumprimento ó previsto nos respectivos estatutos, durante os pasados meses de abril, maio e xuño, celebráronse as eleccións para a renovación de cargos directivos nas catro Africor Provinciais; froito das mesmas resultaron elexidos os Sres. Seguintes:

AFRICOR-CORUÑA
Presidente: D. Luis Seoane Labandeira
Vicepresidente: D. Manuel Antelo Vilariño
Secretario: D. Pedro Cambón Fernández
Tesoureiro: D. Andrés Formoso Vázquez
Interventor: D. Francisco M. Penabad Pita
Vocal: D. Javier Casás Gómez
Vocal: D. José Suarez Iglesias

AFRICOR-LUGO
Presidente: D. José Aquilino Rguez López
Vicepresidente: D. Marcial López Onega
Secretario: D. Francisco López Folgueira
Tesoureiro: D. José Manuel López Tellado
Interventor: D. Alvaro José Castro Fdez
Vocal: D. Francisco Javier Alvarez Dosío
Vocal: D. Manuel Pacín Rey

AFRICOR-OURENSE
Presidente: D. Antonio Pérez Castro
Vicepresidente: D. Albino Pérez Rodríguez
Secretario: D. Juan Alvarez Losada
Tesoureiro: D. Augusto Cid Cabido
Vocal: D. José Mosquera Seoane
Vocal: D. Juan Manuel da Pena Pérez

AFRICOR-PONTEVEDRA
Presidente: D. José R. Pazos Fondevila
Vicepresidente: D. Javier Mejuto Mato
Secretario: D. Delfín Antonio Lalín Iglesias
Tesoureiro: D. Rafael Méndez Guerra
Interventor: D. José M. Valladares Glez
Vocal: D. Manuel Carbia Martínez
Vocal: D. José Pereira Canaval

Posteriormente, o día 7 de Xullo celebrá-banse eleccións para a renovación dos cargos Directivos desta Federación:

Federación Frisona Galega - FEFRIGA
Presidente: D. J. Aquilino Rguez López
Vicepresidente: D. Fco M. Penabad Pita
Secretario: D. José R. Pazos Fondevila
Tesoureiro: D. Juan Álvarez Losada
Interventor: D. Luis Seoane Labandeira
Vocais: D. Francisco López Folgueira
D. Manuel Carbia Martínez
D. Antonio Pérez Castro

Asemblea Xeral: Estará composta pola Xunta Directiva e os Sres:
D. M. Antelo Vilariño Africor-Coruña
D. A. Formoso Vázquez Africor-Coruña
D. M. López Onega Africor-Lugo
D. J.M. López Tellado Africor-Lugo
D. A. Pérez Rodríguez Africor-Ourense
D. A. Cid Cabido Africor-Ourense
D. R. Méndez Guerra Africor-Pontevedra
D. J.M. Valladares Glez Africor-Pontevedra


Volver



XV ESCOLA DE XUÍCES GANDEIROS "FEFRIGA 2000"
Durante os días 31 de Xullo, 1 e 2 de Agosto, celebrouse en diferentes explotacións da Provincia da Coruña, a XV Escola de Xuíces Gandeiros Fefriga 2000, que nesta ocasión concentrou a máis de 130 alumnos procedentes de Galicia, Asturias, Cataluña e Portugal.

D. Enrico Dadati, experimentado Xuíz Internacional da Asociación Frisona Italiana (ANAFI), foi o responsable do xulgamento desta Escola, demostrando ó longo das diferentes e variadas seccións a súa experiencia e gran profesionalidade. Destacada actuación foi tamén a do noso bo amigo e xa incondicional desta Escola, D. Gabriel Blanco, Xefe do Departamento de Morfoloxía de Conafe, quen ademais de impartir a Conferencia sobre a Conformación da Vaca Leiteira e dirixir unha clase práctica de acoplamentos, actuou durante toda a Escola como traductor e axudante do Xuíz en pista.

Antes de resumir o que foron estes días, queremos dende estas liñas, resaltar e agradeceder a gran labor realizada por Africor-Coruña, os seus gandeiros e persoal técnico, que co seu esforzo e dedicación permitiron que pasásemos unhas agradables, e sobre todo instructivas xornadas.

O día 31 e unha vez finalizada a Conferencia de D. Gabriel Blanco, o Sr. Jesús Vázquez, Xefe do Servicio de Sanidade Animal, pronunciaba unha conferencia sobre o Control da prescrición, dispensación e uso do medicamento veterinario en Galicia, proporcionando ós asistentes ampla información sobre a normativa actual e forma de proceder no relacionado con este tema.
Pola tarde, e nas magníficas instalacións que SAT Langueirón posúe en Ponteceso, xulgáronse as 5 primeiras seccións prácticas.

O martes día 1 amencía nubrado e bastante fresco, tras coller roupa de abrigo, dirixímonos á finca A Cabanela en Urdilde, onde, nun marco realmente espléndido (e que seguro valorá-semos moito máis no caso de facer bo tempo), xulgamos catro complicadas seccións de vacas, formadas por uns estupendos animais propie-dade das ganderías Freire Simáns, Jesús Carballo Rey, Bouzas e Tubio Busto, S.C.

Tras “repoñer forzas” no Mesón Ares, dirixímonos a Vilaferreiros en Mazaricos, onde nos agardaban outras catro bonitas seccións, preparadas con animais das ganderías Alborés, Caamaño, Maneiro, Vilaferreiros, Casa Victor e SAT 4261 Alborés.

O terceiro día... (e último da Escola), chegou o verán e con el a calor incrementada se cabe polas catro magníficas seccións que nos tiñan preparadas na gandería UGASMA de Boimorto; a calidade e complicación das seccións, -unida á calor reinante,- fixo correr abundante suor entre o alumnado.

As catro últimas seccións prácticas desta escola realizáronse, non sen polémica, na Unidade de Transferencia Embrionaria de Bos “UTE Bos”, ó finalizar, e baixo a dirección de D. Gabriel Blanco, realizáronse prácticas de acoplamentos dirixidos en base a índices xenéticos e sobre animais “in vivo”.
Tras a visita á U.T.E., -onde puidemos ver as doadoras de embrións e algúns dos novillos que se porán en testaxe próximamente,- dirixímonos ó Restaurante El Pantano, onde tivo lugar a cea e acto de clausura desta XV Escola de Xuices Gandeiros Fefriga 2000.

En nome de Africor-Coruña e desta Federación queremos dar as gracias a todos, ganderías colaboradoras, alumnos, xuíz e conferenciantes e a todas aquelas persoas ouentidades que co seu apoio e colaboración contribuiron a acadar o éxito obtido por esta XV Escola de Xuices.

 

¡A todos moitas gracias e ...
ata o ano que ven!


Volver



MOEXMU 2000

Un ano máis e durante os días 7,8 e 9 do pasado mes de Xullo, Muimenta converteuse na Capital Galega do Frisón; a Feira-Exposición que anualmente celebra esa vila luguesa acolleu, como xa é tradición, o XIV Concurso de Gando Frisón “MOEXMU 2000” que, organizado por Africor-Lugo, concentrou a máis de 80 exemplares procedentes de 20 explotacións lucenses.

O Xulgamento do Certame correu a cargo do coñecido gandeiro de Tineo e Xuíz Nacional de Conafe, D. Conrado González Antón, quen, en todo momento, demostrou o seu bo facer nestes menesteres.

En canto ó Concurso, son de resaltar os premios acadados pola Gandería CID de Barreiros, con animais tan populares como Cid Seven MONSE, que se alzou co título de Mellor Xovenca Filla dos Touros de Ascol/Pimx, Xovenca Campiona e Gran Campiona de Xovencas; ou a non menos coñecida HIRTA que acadou os títulos de Vaca Campiona e Gran Campiona do Certame, e o de Xata Campiona recaía en Nodi Rudolph FANI propiedade da Gandería NODI, tamén de Barreiros.

HIRTA - Gran Campiona Moexmu 2000

Xercas, grupo de gandeiros de Xermade, conseguiría igualmente títulos tan importantes como Vaca Xove Subcampiona e Mellor Ubre, con Bos Xercas Portalousa Patron; Mellor Descendencia de Vaca (CHIQUITA), Segundo Criador e Segundo Rabaño (Sat CAVADAS) así como Vaca Adulta Subcampiona con Xercas Cavadas Highlight RONALDA.

Gandería Farruquiño de A Pastoriza conquistaba os títulos de Vaca Xove Campiona e Segunda Mellor Ubre cunha excepcional primeiriza de nome Farruquiño PERLITA Lindy (que unha vez finalizado o certame foi vendida por 500.000 ptas.) igualmente foi para esta explotación o título de Mellor Criador.

RESULTADOS DO CONCURSO
Xata Campiona
1ª Nodi Rudolph FANI (Nodi)
2ª Bos Vila Rudolph ALBARES (Vila)

Xovenca Campiona
1ª Cid Seven MONSE (Cid, CB)
2ª Capón Lee LISTA (Capón)

GRAN CAMPIONA DE XOVENCAS
Cid Seven MONSE (Cid, CB)

Vaca Adulta Campiona
1ª Farruquiño PERLITA Lindy (Farruquiño)
2ª X.C. Highlight RONALDA (X-Cavadas)

GRAN CAMPIONA DE VACAS
HIRTA (Cid, CB)

Mellor Ubre
Bos Xercas Porta Patron (X-Portalousa)

Mellor Criador
1º SAT Farruquiño (A Pastoriza-Lugo)
2º SAT Cavadas (Xermade-Lugo)

Mellor Rabaño
1º Cid, CB (Barreiros-Lugo)
2º SAT Cavadas (Xermade-Lugo)

CONCURSO DE MANEXADORES

S. 1 De 15 a 20 anos
1º Antonio José López Sánchez

S. 2 De 9 a 14 anos
1º Edgar Paz Iglesias


Volver



¡GALICIA CALIDADE!

Que as fillas dos touros de Galicia son excelentes productoras xa fai moito tempo que o sabemos (e nin que dicir ten que nos enche de satisfacción), pero ademáis comprobamos que tamén son excepcionais nas pistas de Concurso.

Tralas alegrías que nos deron en repetidas ocasións vacas como Outeiro SANDINA Sultan MB ou Raxino Lérez (ambas con un largo palmarés), hoxe tócanos falar de dúas xovencas que nos están sorprendendo moi agradablemente e que esperamos nos dean grandes satisfaccións nun futuro inmediato. Trátase, nin máis nin menos, que de Cid Seven MONSE e Vilarmor NADIA Lérez.

Cid Seven MONSE

 

MONSE é unha filla de Raypel SEVEN, propiedade da Gandería CID de Barreiros (Lugo), que, á súa corta idade, xa acadou premios tales como:
Novilla Gran Campeona Inter. - Semana V. 2000
Gran Campiona de Xovencas - Muimenta 2000
Ternera-Novilla Gran Campeona - Vegadeo ‘00

Ademais, tras o acordo acadado entre Galicia e Asturias sobre o testaxe conxunto de Sementais, MONSE conquistou en Vegadeo o título de “Mejor Ternera de los Programas ASCOL/PIMX” sendo Cid Prophet GRISALDA a segunda na sección de vacas.

Pola súa parte, NADIA, xovenca criada por Gandería VILARMOR de Ortigueira (A Coruña) e adquirida pola Ganadería del Banea, SL (Cudaña) de Cantabría e D. Enrique Pedrico de Cataluña, está facendo patria por terras cántabras contando xa no seu haber os títulos de “Subcampeona de Novillas” del XII Conc. de Unquera así como o de “Novilla Gran Campeona” da Feria San Bernabé (Conc. Frisón de Valdaliga) e recentemente “Novilla Campeona” do 32 Concurso Frisón de Cabezón de la Sal.

Noraboa ós criadores e propietarios destes excepcionais exemplares e noso sincero agra-decemento por confiar na Xenética Galega.

Volver




¡TAMÉN OS SUECOS FALAN DE BOS!

O pasado día 24 de Xullo, e a través de Carrefour Galicia, 70 gandeiros da Rexión Sur de Suecia, visitaban a UTE/UDE de Bos; dito grupo estaba encabezado polos Señores: D. Tauno Turtunen, Conselleiro de Gandería e Producción Leiteira; D. Bo Gunnarsson, Presidente da Asoc. de Agricultores e D. Hans Olof Stälgren, Director do Centro Europeo de Información Rural de Västernorrland.

Durante as máis de dúas horas que nos acompañaron, os nosos visitantes interesá-ronse polos programas de mellora, as labores realizadas na UTE e obxectivos perseguidos cos mesmos, así como de xenética e familias de vacas presentes na granxa.

Como dato curioso (e moi agradable, por certo) foi o enterarnos que, aínda que poida parecer estraño, a UTE de Bos e os traballos nela realizados eran coñecidos e valorados por estes gandeiros suecos polo que, á hora de preparar o seu programa de visitas técnicas en España, solicitaron se incluíse unha visita a Finca de Bos (decididamente,... ninguén é profeta na súa terra).

Volver






R/ Melide 25-27 Baixo - 15705 Santiago de C. - A Coruña - España
Tfno./Fax: + 34 981 573 879 + 34 981 573 775
Xunta de Galicia
Diseño web de Lugonet