A deputada de Cultura, Iria Castro, recibiu os mozos e mozas gandeiros galegos campións de manexo de gando no certame Young Breeders School (YBS): María e Andrea Otero, da granxa Fontixón (Castro de Rei, Lugo); Lorena Iglesia, de SAT Rey de Miñotelo (A Pastoriza, Lugo); Alba López, da Gandería Quintián (O Páramo, Lugo); Simón Blanco, da Gandería Queirugueira (Val do Dubra, A Coruña) e Xabier Montes, de Casa do Rei (Rodeiro, Pontevedra).
Castro felicitou os integrantes do equipo polos resultados acadados no concurso, que tivo lugar en Battic (Bélxica) do 28 de agosto ao 1 de setembro.
